Фосилите биле дел од голем диносаурус од периодот на Креда, пред околу 145 до 66 милиони години, се вели во соопштението на владата. Тие ќе треба да спроведат дополнителни студии за да го потврдат видот на диносаурусот.
Остатоците се пронајдени на островот Порт во Глобалниот геопарк на УНЕСКО во североисточните води на градот, а фосилите треба да бидат изложени во петок во една од трговските области во Хонг Конг.
Секретарот за развој, Бернадет Лин Хон Хо, рече: „Откритието е од големо значење и дава нови докази за истражување на палеоекологијата во Хонг Конг“.
Експертите шпекулираа дека телото на диносаурусот најверојатно било закопано со песок и чакал, се појавило по голема поплава, за потоа повторно да биде закопано на местото на откривање, се вели во соопштението.
Откритието дојде откако одделот за конзервација во март ја предупреди својата канцеларија за антиквитети и споменици за некои седиментни карпи кои содржат супстанции за кои постои сомневање дека се фосили од ‘рбетници. Претходно само фосил од риба од ерата на диносаурусите беше пронајден во Хонг Конг.
Проф. Мајкл Питман, палентолог од Универзитетот во Хонг Конг, вели дека откритието е возбудливо за градот, кое долго врши истражувања на диносауриси, но не можеле да се пофалат со откритие.
Тој рече: „Хонг Конг е познат по тоа што е изграден пејзаж, но половина од него е селски парк. Во областите на селата, повеќето од она што го гледате се карпи од ерата на диносаурусите, но тоа се вулкански карпи – и тие се лоши места за наоѓање фосили бидејќи фосилите едноставно се топат.“
„Но, островот Порт е еден од островите што има карпи од диносаурус од вистински тип и вистинска средина“.
Кина е една од четирите нации кои водат истражување за диносаурусите – заедно со САД, Канада и Аргентина – и десетици илјади јајца од диносаурус се пронајдени во провинцијата Гуангдонг, покрај Хонг Конг.
Питман рече: „Се надевам дека гледајќи ги овие фосили, ќе видиме разлики со оние од некои од познатите места во Кина како Сечуан и Јунан. Може да каже навистина интересна приказна за биогеографијата на животните“.
Владата соопшти дека побарала експерти од Кина да спроведат теренски испитувања.
Островот Порт е затворен за јавноста од средата до дополнително известување за да се олеснат идните истражувања и ископувања.
Фосилите ќе бидат изложени во Центарот за откривање наследство во Хонг Конг во Цим Ша Цуи, една од популарните трговски области во градот, почнувајќи од петок. Владата, исто така, планира да отвори привремена работилница за јавноста за набљудување на подготовката на фосилни примероци од експерти до крајот на 2024 година.
