Примероците од оваа австралиска химера се откриени во областа на Пацификот што се протега на повеќе од 1.000 километри источно од Нов Зеланд, соопшти тимот од Националниот институт за истражување на вода и атмосфера, со седиште во Велингтон.
Химера, која е позната и како „дух-ајкула“ е вид риба со долга опашка и скелет направен од ‘рскавица, тие се слични на ајкули и на раја, иако нивниот заеднички предок живеел пред речиси 400 милиони години.
Повеќето химери живеат на морското дно и се хранат со мекотели и други безрбетници на длабочини до околу 2.600 метри, иако ги сакаат и крајбрежните води.
