За многу мажи кои се обидуваат да заведат жена, првото нешто што им паѓа на ум е затемнување на светлата за да се создаде романтична атмосфера. Сепак, токму тоа не треба да го прават доколку сакаат да го покажат најдоброто во кревет.
Посилната светлина, исто како и дневната светлина, го зголемува нивото на тестостерон и може тројно да го зголеми нивото на задоволство, покажуваат најновите истражувања.
Сè повеќе мажи постари од 40 години страдаат од недостаток на сексуална желба. Падот на либидото варира во зависност од годишните времиња, а научниците решија да проверат дали тоа има некаква врска со влијанието на амбиенталната светлина или со недостатокот од неа.
Тим италијански научници од Универзитетот во Сиена испитувале 38 мажи кои се борат со ниско ниво на сексуална желба. За да ја тестираат теоријата, мажите биле поделени во две групи. Две недели, една група мажи секое утро била внесувана во силно осветлена просторија. По овој период им било мерено нивото на тестостерон и било забележано дека значително се зголемил во споредба со друга група мажи кои не биле изложени на силна светлина.
