Градските власти во Загреб донесоа одлука денес да не се одржува настава во сите основни и средни училишта поради опасни временски услови.
Одлуката е донесена во координација меѓу Град Загреб и Министерството за наука, образование и млади на Хрватска, со цел да се заштити безбедноста на учениците, особено во сообраќајот.
Причина за оваа мерка е силниот ветер со оркански удари што предизвикува сериозни проблеми низ градот.
Властите информираат дека учениците кои немаат можност да останат дома ќе можат да дојдат во училиштата, каде ќе им биде обезбеден престој и надзор.
Градинките ќе продолжат да работат нормално, но се препорачува децата, доколку е можно, да останат дома.
