На овогодинешната церемонија на Оскарите немаше големи изненадувања, но неколку филмови сепак доминираа во трката за златната статуетка. Најуспешен филм на вечерта беше One Battle After Another, кој освои шест награди.
Наградата за најдобар актер ја освои Michael B. Jordan за двојната улога во филмот Sinners, додека за најдобра актерка беше прогласена Jessie Buckley за улогата во драмата Hamnet. Со ова Бакли стана и првата Ирка која ја добила оваа престижна награда.
Во споредните категории победија филмски ветерани. Amy Madigan го освои Оскарот за најдобра споредна актерка за филмот Weapons, додека Sean Penn беше прогласен за најдобар спореден актер за улогата во One Battle After Another.
„Математиката на Оскарите“
Еден од најголемите фаворити беше Sinners, кој влезе во трката со дури 16 номинации. Сепак, на крајот освои четири награди – солиден резултат, но без целосна доминација.
Од друга страна, One Battle After Another, во режија на Paul Thomas Anderson, беше најуспешниот филм со шест освоени статуетки. Во филмот главната улога ја толкува Leonardo DiCaprio, а беше номиниран во 13 категории, вклучувајќи најдобар филм, режија и главна машка улога.
Други забележани филмови
Филмот Frankenstein освои неколку технички награди, вклучувајќи костимографија и шминка, додека анимираниот хит KPop Demon Hunters ги оправда очекувањата и освои две награди – за најдобар анимиран филм и за најдобра оригинална песна „Golden“.
Во категоријата за најдобар странски филм победи Sentimental Value, додека документарниот Оскар го освои Mr. Nobody Against Putin.
Овогодинешното доделување на Оскарите уште еднаш покажа дека и покрај силните фаворити, трката за најпрестижните филмски награди секогаш носи интересни пресврти и неизвесност до самиот крај.
