Балетот „Оревокршачка“ од Петар Илич Чајковски вечерва ќе биде изведен на сцената на Националната опера и балет во Скопје. Претставата почнува во 20 часот и носи уште едно поставување на едно од најпознатите дела од класичниот балетски репертоар.
Со претставата ќе диригира Едуард Амбарцумјан, додека кореографијата и либретото ги потпишува Саша Евтимова. Во главните улоги настапуваат солисти од ансамблот на Националната опера и балет, заедно со оркестарот, хорот и ученици од балетскиот оддел при ДМБУЦ „Илија Николовски – Луј“.
„Оревокршачка“ со децении останува едно од најпрепознатливите сценски дела на Чајковски и редовно привлекува интерес кај публиката, особено поради спојот на музика, сценска раскош и препознатлива празнична атмосфера. Вечерашната изведба доаѓа како дел од тековната програма на НОБ.
