Муно, попозната меѓу своите повеќе од пет милиони следбеници како „Кралицата на тестенините“, вели дека качо е пепе е огледало на римскиот дух: гласен, енергичен и со топлина која се чувствува во секоја виличка. Иако неговото потекло е скромно – инспирирано од овчарската кујна од Апенините – денес тоа е неразделен дел од гастрономската сцена на Рим.
Во последниве години, ова традиционално јадење стана интернет сензација благодарение и на самата Муно, која преку своите видеа инспирира илјадници да експериментираат дома. Таа посочува дека качо е пепе не е најконзумираното римско јадење, но благодарение на маркетингот на социјалните мрежи – сега е барано ширум светот.
Каде да се јаде вистинско качо е пепе во Рим?
Муно вели дека најдоброто искуство како вистински Римјанец се добива во ресторанот Felice a Testaccio, кој со децении е синоним за ова јадење. Токму таму можете да го вкусите качо е пепе во негова најавтентична, совршено изведена форма.
Совет од „кралицата“: како да го подготвите дома
Иако звучи едноставно, качо е пепе лесно може да тргне наопаку – најчестиот проблем е згрутчувањето на сирењето. Тајната, според Муно, е во користење вистинско сирење Пекорино (не претходно рендано со адитиви), и тргање на тавата од оган пред да се додаде сирењето, за да се добие мазна и кремаста текстура.
„Храната не треба да се третира како дополнителна мисла. Империите се создадени врз основа на храната“, вели Муно – додавајќи уште една причина зошто качо е пепе заслужено е „цар“ меѓу тестенините.
Извор: BBC
