На патот Кичево – Гостивар, поради одрон кај село Колари, од 7:00 часот е воведен наизменичен сообраќај по една коловозна лента во должина од 30 метри. Претходно, сообраќајот беше целосно прекинат од 5:40 часот.
АМСМ информира дека од 5:45 часот е воведена забрана за сообраќај на тешки товарни возила и автобуси на делницата село Лисец – Попова Шапка. Сообраќајот се одвива во зимски услови, со влажни коловози, а на граничните премини нема подолги задржувања.
Возачите се советуваат на прилагодена брзина, почитување на сигнализацијата и внимателно управување со возилата, особено во котлини, речни долини и клисури.
Задолжително поседување зимска опрема за сите возила.
