Од 07:55 часот движењето е стопирано во двата правци, а на терен се екипи на надлежните институции.
Министерството за внатрешни работи апелира до граѓаните да избегнуваат патување во овој дел, бидејќи условите не дозволуваат безбедно сообраќање. Во моментов се спроведуваат активности за расчистување на камењата и земјиштето, по што ќе се работи на целосна нормализација на сообраќајот.
Одговорните служби најавуваат дека јавноста навремено ќе биде информирана за состојбата на теренот и за тоа кога ќе биде повторно воспоставено движењето на возила.
Инцидентот дополнително го усложнува пристапот кон граничниот премин Стење, кој е важна комуникациска точка за овој регион.
