„Судија за претходна постапка на Вишиот суд во Белград – Посебно одделение за сузбивање на корупцијата, на 26.02.2025 година донесе решение со кое за обвинетите М.С. и Б.К. се одредува притвор во траење од најдолго 30 дена“, се вели во соопштението.
Притворот за М.С. и Б.К. е одреден поради законски утврдени причини, односно поради постоење на околности кои укажуваат дека постои опасност од повторување на кривичното дело во краток временски период.
Од друга страна, обвинетите Ј.В., М.Н.Ј. и С.К. добија мерка забрана за напуштање на својот дом со електронски надзор, со што им се забранува да го напуштат својот стан без дозвола од судот.
Оваа мерка е изречена поради околности кои укажуваат на можност за повторување на кривичното дело.
Обвинетите М.С., Б.К., Ј.В. и М.Н.Ј. се товарат за несовесно работење во службата и тешко дело против општата безбедност, додека обвинетата С.К. се товари за злоупотреба на службената положба и тешко дело против општата безбедност.
Против ова решение е дозволена жалба до кривичниот совет на Вишиот суд во Белград – Посебно одделение за сузбивање на корупцијата, во рок од три дена од приемот на решението.
