Во соработка со World of Progressive, Roomania, Pirka и поддршка од локалната сцена, во јули и август 2025, плажа Оревче ќе биде домаќин на внимателно селектирани изведувачи од земјата и странство:
19 јули (петок) – Gentijana Zeneli
Преку музика и танц, таа пренесува чиста енергија и емоции. Инспирирана од андерграунд сцената на нејзиниот роден град Гисен, Гентијана бранува и надвор од границите на Германија. Нејзиниот звук се противи на категоризациите – тој е динамична мешавина од стилови кои се движат од груви хаус и минимал до високоенергично техно. Настапот ќе го отвори Issa Ceka.
26 јули (петок) – Enzo Leep
Шпанскиот артист Enzo Leep пристигнува директно од фестивали како Gottwood, Dias de Campo и клубови како Watergate. Со својот препознатлив live пристап, Leep ќе понуди фузија од диско, електро и минимал хаус.
Настанот ќе биде збогатен со поддршка од домашните Dout и Djarto.
27 јули (недела) – Iva Arifaj
Во соработка со Roomania, гостинка на Оревче ќе биде Iva Arifaj, активна на електронската сцена во Белград веќе скоро една деценија. Нејзините настапи опфаќаат фестивали како Exit и LoveFest, а нејзиниот звук се движи од deep до tech house. Локалната поддршка доаѓа од Mitrik и Samardјiski во B2B формат.
Празничен прогресивен викенд
1 август (петок) – Camilo Sanclemente
Orevche и World of Progressive организираат тридневна програма, која започнува со Камило Санклементе, светски познат продуцент и диџеј, пристигнува директно од Колумбија за да нè поведе на сонично патување со своите познати емотивни сетови.. Поддршка ќе му дадат Makso и Janski.
2 август (сабота) – Forty Cats
Следниот ден на плажата настапува Forty Cats, продуцентка со изданија за издавачи како Balance, Sudbeat, Soundgarden и други. Станува збор за талентирана музичарка која привлекува светско внимание со својот енергичен и иновативен пристап кон електронската музика.Нејзиниот сет ќе биде поддржан од Darko Stanimirović aka DAST и резидентот на Оревче, COBE.
3 август (недела) – Dymo + Cape&Manojlovv
Прогресивниот викенд завршува со sunset журка каде што музиката ќе ја селектираат Dymo и локалното дуо Cape & Manojlovv. Заедно ќе создадат атмосфера на релаксација, танц и заедничко уживање во моментот.
Домашна поддршка низ целата сезона:
Покрај интернационалните и регионални гости, ова лето на Orevche ќе настапат и бројни диџеи од домашната сцена, меѓу кои: Cobe, DJ Anna, Dostin, Kristijan Nestorovski, Redon Robi, Darko Spasovski, Dadook & Mamli, Tommy Tomoski, Dani L, Acosound & Darko, Indog, како и колективот SEMPRE.
