Нараквицата, украсена со бисери од полудраги камења, потекнува од времето на владеењето на фараонот Аменемоп, од 21. династија на стар Египет (993–984 година п.н.е.), објави BBC.
Министерството за антиквитети соопшти дека презело итни мерки откако нараквицата исчезнала од лабораторијата за реставрација на Египетскиот музеј и случајот е пријавен во полиција.
Фотографии од нараквицата се дистрибуирани на сите египетски аеродроми, пристаништа и копнени гранични премини како превентивна мерка за спречување обиди за шверц.
Дополнително, формиран е специјализиран одбор кој ќе направи инвентаризација и преглед на сите артефакти во лабораторијата за реставрација. Министерството соопшти дека намерно го одложило објавувањето на веста за исчезнувањето „за да се овозможи соодветна средина за напредок на истрагата“, но не наведе кога нараквицата последен пат била видена.
Музејот во Каиро е најстар археолошки музеј на Блискиот Исток и чува повеќе од 170.000 артефакти, вклучувајќи ја и позлатената погребна маска на Аменемоп.
Извор: N1info.rs
