Од 9 октомври, низ целата Европска унија ќе се воведе т.н. верификација на примач.
Имено, сите банкарски трансфери ќе мора да ја проверат совпадливоста на името на примачот со соодветниот IBAN.
За секој трансфер, банката ќе проверува дали внесените податоци се точни и ќе го прикажува резултатот преку „семафор-систем“ во бои, пишуваат германските медиуми.
Доколку податоците не се совпаѓаат, трансферот сепак може да се изврши, но корисниците мора да бидат свесни за ризикот дека парите може да бидат испратени на погрешна личност и потоа да исчезнат. Според Германската банкарска асоцијација, верификацијата на примачот има за цел да се спречи измама при плаќања, пишува списанието Феникс.
Што значат боите?
При верификацијата на примачот во онлајн банкарството, по внесувањето на името и IBAN-от, ќе се прикаже боја:
- Зелена – податоците совпаѓаат.
- Жолта – податоците се речиси совпаѓаат – точното име ќе се прикаже како предлог („Блиско совпаѓање“).
- Црвена – податоците не совпаѓаат.
Исто така постои можност да не може да се изврши верификација – на пример, поради технички проблеми при преземање на податоците. Ако при плаќање се појави црвена боја, корисникот сам ќе треба да одлучи дали ќе го изврши трансферот или не.
Верификацијата на примачот нема да се врши само преку онлајн банкарство, туку и при трансфери во филијала. Во тој случај, претставник од службата за корисници ќе ја изврши верификацијата на лице место.
