Судењето против капетанот и двајца офицери од еден танкер за нафта започнува денес во Хелсинки, поради сомневање дека нивниот брод предизвикал сериозно оштетување на подводна инфраструктура при пловење низ Финскиот Залив кон крајот на 2024 година.
Според резултатите од истрагата, танкерот „Игал С“ влечел сидро по морското дно, што довело до сечење на пет важни подводни кабли – вклучувајќи го и каблот за струја „Естлинк 2“, кој ги поврзува Финска и Естонија, како и неколку интернет врски.
Финските власти го прекинале движењето на бродот и наредиле да се упати кон нивни територијални води, по што со хеликоптер се качиле на бродот и ја презеле контролата над ситуацијата.
На 25 декември 2024 година, танкерот „Eagle S“ додека пловел низ Финскиот Залив го влечел сидрото по морското дно, при што биле оштетени пет подводни кабли – вклучувајќи го и електричниот кабел „Estlink 2“ меѓу Финска и Естонија, како и четири интернет линии. Финските власти го запреле бродот и покренаа истрага, а тројца членови на екипажот – капетанот и двајца офицери – се обвинети за нанесување сериозна штета на критична инфраструктура. Штетата е проценета на околу 60 милиони евра.
