Премиерот на Велика Британија, Кир Стармер, објави дека Лондон го признава правото на палестинска државност.
„Соочени со сè поголемите ужаси на Блискиот Исток, дејствуваме за да ја зачуваме можноста за мир и решение во форма на две држави“, изјави Стармер. „Тоа значи безбеден и сигурен Израел заедно со одржлива палестинска држава – а во моментов немаме ниту едното ниту другото. Затоа денес, за да ја оживееме надежта во мир и решение засновано на две држави, јасно изјавувам дека Обединетото Кралство официјално ја признава Државата Палестина.“
Стармер подвлече дека ова решение „не е награда за Хамас“, нагласувајќи дека организацијата нема иднина, ниту место во владата или безбедноста на идната држава.
Пред него, канадскиот премиер Марк Карни исто така објави: „Канада ја признава Државата Палестина и нуди партнерство за изградба на мирна иднина и за Палестина и за Израел.“
Австралија, преку премиерот Ентони Албаниз, се придружи на одлуката, истакнувајќи дека станува збор за заеднички напор со Канада и Велика Британија, кој ќе претставува „меѓународен напор за решение во форма на две држави“.
И Канада и Австралија уште претходно најавија дека своето признавање ќе го потврдат и на Генералното собрание на ОН во Њујорк.
Извор: N1info.rs
