Францускиот министер за надворешни работи Жан-Ноел Баро изјави денеска дека францускиот претседател Емануел Макрон ќе одржи состанок на европските лидери во понеделник во Париз, но нагласи дека овој состанок „не треба да се драматизира“.
Сега CBS News доби потврда од канцеларијата на Макрон дека францускиот претседател ќе одржи неформален состанок утре попладне на тема Украина и европска безбедност.
Според соопштението, на состанокот ќе учествуваат лидерите на Германија, Обединетото Кралство, Италија, Полска, Шпанија, Холандија и Данска, како и претседателите на Европскиот совет и Европската комисија, како и генералниот секретар на НАТО.
Од канцеларијата на Макрон исто така соопштија дека во иднина можат да следат дополнителни разговори во други формати за мирот и безбедноста во Европа.
Да потсетиме, утре во Саудиска Арабија треба да започнат разговорите меѓу САД и Русија за мирот во Украина.
