Свесно

Објавена ранг листа на најмоќните пасоши

09/01/2025
11:15

Henley Passport Index за 2025 година ја рангираше моќта на 199 пасоши од целиот свет.

Овој индекс, кој го составува консултантската компанија Henley & Partners, е најчесто цитираниот ранкинг за пасоши. Тој се базира на ексклузивни и официјални податоци од Меѓународното здружение за воздушен транспорт (IATA). Главен фактор за рангирање е колку земји може сопственикот на пасошот да посети без потреба од виза.

Според листата за 2025 година, сопствениците на сингапурскиот пасош можат да патуваат без визи во вкупно 195 од 227 дестинации, што ја прави оваа земја со најголема слобода за патување. На второто место се најде Јапонија, која со својот пасош овозможува безвизен пристап во 193 земји, вклучително и во Кина, за прв пат по пандемијата на COVID-19.

Во првите десет земји се наоѓа и Обединетите Арапски Емирати (ОАЕ), кои обезбедија пристап без виза до 185 дестинации. ОАЕ е единствената арапска нација во врвот на листата. Во последните 10 години, нивната мобилност значително се подобри, со пристап до дополнителни 72 дестинации од 2015 година наваму.

Американскиот пасош, кој пред десет години беше на второто место, сега падна на деветтото.

На последното место на листата е Авганистан, чии граѓани можат да патуваат без визи само во 26 земји, што е најниско во историјата на индексот.

Најмоќните пасоши во светот за 2025 година:

Сингапур (195 дестинации)
Јапонија (193 дестинации)
Финска, Франција, Германија, Италија, Јужна Кореја, Шпанија (192 дестинации)
Австрија, Данска, Ирска, Луксембург, Холандија, Норвешка, Шведска (191 дестинација)
Белгија, Нов Зеланд, Португалија, Швајцарија, Обединето Кралство (190 дестинации)
Австралија, Грција (189 дестинации)
Канада, Малта, Полска (188 дестинации)
Чешка, Унгарија (187 дестинации)
Естонија, САД (186 дестинации)
Латвија, Литванија, Словенија, Обединетите Арапски Емирати (185 дестинации)