Видеоспотот за песната „Маратон“ на Ана Ванчевска и Алексеј Ивановски која годинава ќе нè претставува на 22-то издание на Јуниорскиот Евросонг е конечно објавен.
Автор на песната е Лазар Цветковски, а текстот е на Магдалена Цветковска.
Нашите претставници на евровизиската сцена ќе застанат на 16-ти ноември во Мадрид, Шпанија.
Видеоспотот е во комплетна продукција на Македонската Радио- телевизија и се снимаше на повеќе локации.
Шпанскиот национален сервис како домаќин и ЕБУ ветуваат одлична програма. Директен пренос од спектакуларното шоу кое го подготвуваат домаќините ќе има на програмите на Македонската радио-телевизија.