НУ Центар за култура “Трајко Прокопиев“ – Куманово го отвори конкурсот за традиционалната ликовна изложба “Самоуки2024“ која е дел од годишната програма за изложби на Центарот за култура.
„Јавно ги повикуваме сите неакадемски уметници над 25 години од Општина Куманово да земат учество на оваа изложба конкурирајќи со три дела по сопствен избор. Темата е слободна како и техниката, а секое дело треба да е опремено за закачување. Селекција на сите пристигнати дела ќе направи стручна комисија при Центарот и ќе ги извести учесниците за примените дела. Рокот за пријавување трае до понеделник 27 мај до 12 часот. Изложбата ќе биде отворена на 14 јуни„ стои во најавата за конкурсот.
