Филмот е во режија на Али Абаси, а сценариото го напишаа Џенифер Стал и Габријел Шерман. Доналд Трамп го игра Себастијан Стен, ѕвездата од филмскиот универзум на Марвел, додека неговиот ментор, адвокатот Рој Кон, го игра Џереми Стронг.
Биографскиот филм е сместен во Њујорк во 1970-тите и ги прикажува раните денови од кариерата на Трамп. Како втор син во богато семејство, Трамп секогаш сонувал за успех, но своите амбиции почнал да ги остварува дури кога Рој Кон, њујоршки обвинител кој работел за сенаторот Џозеф Мекарти, го зел под своја закрила.
Филмот предизвика контроверзии бидејќи некои сцени го прикажуваа Трамп во негативно светло. На пример, во една сцена ја силува својата прва сопруга Ивана Трамп, додека во други сцени можеме да го видиме како зема амфетамини и оди кај пластичен хирург.
Поради својата контроверзна тема, филмот не можеше да најде дистрибутер за прикажување во САД. Меѓутоа, правата за филмот ги купи дистрибутерската компанија Briarcliff Entertainment во јули.
Трејлерот за „The Apprentice“ доби главно позитивни реакции. Голем број гледачи на социјалните мрежи велат дека филмот ги потсетува на Волкот од Волстрит.
„Ова ме потсетува на ситуацијата со Волкот од Волстрит, каде што го прикажуваа ликот како чудовиште, но многу луѓе ја добија целата порака и почнаа да го идеализираат“, напиша еден од гледачите на Редит.
„Овој филм има слична атмосфера на Волкот од Волстрит“, напиша друг.
„Не можам да верувам дека момчето што го играше Томи Ли може да го игра Доналд Трамп. Секоја чест за директорот на кастинг“, напиша друг коментатор.
„The Apprentice“ ќе биде во кината од 11 октомври 2024 година.
