Сепак, нутриционистите предупредуваат дека мнозинството луѓе прави честа грешка која ја намалува неговата хранлива вредност – прелевање на течноста од површината на јогуртот.
Нутриционистката Џесика Кординг објаснува дека таа течност, иако на прв поглед не е привлечна, содржи бројни хранливи материи. „Хранливо, таа има голема вредност“, вели Кординг. Слично предупредува и Сонја Анџелоне од Сан Франциско, истакнувајќи дека течноста, позната како сурутка, е природен спореден производ од ферментацијата на млекото во јогурт и е богата со пробиотици, протеини, калциум, калиум, бакар, фосфор и цинк.
Оваа течност е слична на маслото што се одвојува во природното путер од кикирики – полесна е од густата маса на јогуртот па природно се собира на врвот. Токму од сурутката се произведуваат многу протеински прашоци што се користат во прехранбените производи.
Ако сакате да ги искористите максимално хранливите вредности на јогуртот, експертите советуваат едноставно да ја измешате сурутката со остатокот од јогуртот. Освен што ја задржувате целата хранлива вредност, добивате и побогата кремаста текстура. Ако ви пречи текстурата, сурутката можете да ја додадете во смути или во различни рецепти. На тој начин, ниту еден дел од јогуртот не се фрла залудно.
Извор: N1info.rs
