Нова година, без разлика кога се слави или со какви обичаи се дочека, секогаш е симбол на нов почеток, нови можности и шанси кои ги посакуваме за себе и за нашите најблиски. Веруваме дека ќе влезете во неа весело, заборавајќи ги грижите и, како и вековите пред тоа, опуштено и полни со надеж.
Обичаи ширум светот
Празноверните луѓе веруваат дека настаните кои се случуваат на првиот ден од новата година ќе имаат влијание на настаните во текот на целата година, и дека тоа што ќе го направиме на денот на Новата година ќе го правиме цела година.
На пример, честитањето на почетокот на годината во минатото имало значење на магична моќ, а не само одраз на учтивост.
Според некои верувања, на 12-от удар на поноќните камбани, било добро да се скокне од маса или столче, што носело среќа за иднината.
„Пукањето имало за цел да ги терa злите духови (денес тоа се прави со фрлање петарди или пукање од пиштол, но причините се заборавени).“
Старите Римјани имале обичај да се жртвуваат и да се однесуваат добро цел јануари за да се смилува богот Јанус и да им подари среќна година. Прво се дарувале само роднини, а потоа римскиот закон пропишал дека треба да се дарува дел од заработениот паричен износ како вид на данок (оттука обичајот на дарување и посетување роднини и пријатели на денот на Новата година).
Обичајот на старите англосаксонци да се испие здравица и да се изразат најдобри желби останал до денес и се проширил во многу земји (при здравица треба да се наполни чаша и да се стави на маса, а никогаш да не се дава празна чаша во која потоа се става пијалок).
Вревата која се правела на полноќ со дување во рог и ѕвонење со ѕвона и тенџериња имала за цел да ги избрка злите духови од старата година.
Словенски верувања и злите духови
Старите Словени верувале во огнот, на кој му придавале натприродни моќи. Тие ги украсувале црешевите дрва и палеле свеќи во чест на боговите на плодноста. Со огнот ги терaле злите духови, одбивале несреќа од куќата и повикувале добри сили.
Во многу земји се верува дека лицето што прво ќе го премине прагот на новата година носи повеќе или помалку среќа.
Се сметало дека најдобро е тоа да биде темнокос маж, а ако и подарил нешто од храна, ќе донесе благосостојба и среќа за домаќинството што го посетил цела година.
Што прават Јапонците, а што Шпанците?
Во новогодишната ноќ, Јапонците над вратата на своите домови закачуваат коноп, што треба да им донесе среќа. Кога ќе удри поноќ, тие започнуваат со гласно смеење, што треба да им донесе радост и смеа во новата година.
Холанѓаните на улиците палат елки, за да „ги терaт злите духови“.
Швајцарците слават под маски, носејќи костими кои симболизираат добри и лоши духови, од кои треба да останат само добрите во новата година.
Во Шпанија, традиционално се консумира грозје. Пред поноќ, Шпанците подготвуваат 12 грозда, кои ги јадат во моментот на испраќањето на старата и добредојдата на новата година, секој грозд за еден месец во годината.
Во Велика Британија се верува дека првата личност која ќе влезе во куќата во новата година носи среќа, така што таа личност ја даруваат со пари или леб и слатки.
Нова година, без разлика кога се слави или со какви обичаи се дочека, секогаш е симбол на нов почеток, нови можности и шанси кои ги посакуваме за себе и за нашите најблиски.
