Научниците постигнаа значаен напредок во лекувањето на неалкохолната масна болест на црниот дроб (NAFLD), состојба која зафаќа милиони луѓе низ целиот свет. Истражувачи од Медицинскиот факултет на Универзитетот во Мичиген развиле нов ветувачки лек кој би можел целосно да го промени досегашниот пристап кон лекување на оваа распространета болест.
Што е NAFLD?
NAFLD се карактеризира со натрупување на масти во црниот дроб, што може да доведе до воспаление и формирање лузни (фиброза). Според проценките, оваа болест зафаќа до 32% од светската популација.
Во истражувањето учествувале и научници од Центарот за експериментални животни при Универзитетот Xi’an Jiaotong и Институтот за кардиоваскуларни науки при Пекиншкиот универзитет, што дополнително ја потврдува важноста на ова откритие
Резултатите се објавени во угледното списание Cell Metabolism.
Професорот д-р Јуџин Чен, водечки автор и професор по кардиоваскуларна медицина, истакна дека досегашните обиди за развој на терапија за потешката форма на болеста – NASH (неалкохолен стеатохепатитис) – се соочувале со бројни предизвици, особено во делот на безбедност и ефикасност.
„NASH бележи загрижувачки пораст. Успешното лекување на нелуѓеподобни примати со нашиот кандидат за лек – DT-109, нè носи поблиску од кога било до ефикасна терапија за милиони пациенти“, изјави д-р Чен.
DT-109 е три-пептид базиран на глицин, и неговото дејство се базира на откритието дека нарушениот метаболизам на глицинот е еден од причинителите на NAFLD и NASH.
Додека многу соединенија покажале ефикасност кај глувци, тие модели не ја прикажуваат целосната комплексност на човечката болест. Овој пат, истражувачите користеле модел со не-луѓеподобни примати, што е голем напредок во областа.
Кај глувци и примати, DT-109: ги намалува масните наслаги во црниот дроб, ја спречува прогресијата на фиброзата, го поттикнува распаѓањето на масни киселини, го зголемува создавањето на антиоксиданси, ја инхибира продукцијата на литохолна киселина, токсична жучна киселина поврзана со болеста
Кога болеста ќе премине во NASH, може да предизвика неповратно оштетување на црниот дроб, вклучително и цироза и откажување на органот. NASH зафаќа околу 6,5% од светската популација, но досега немало безбеден и ефикасен лек.
DT-109, со својата способност да ги ревитализира клетките на црниот дроб, претставува потенцијална револуција во третманот.
„Овој значаен пробив во предклиничките модели нè охрабрува да разгледаме клиничко тестирање на DT-109 како потенцијален лек за NASH“, вели д-р Џифенг Џанг, ко-автор и вонреден професор на Универзитетот во Мичиген.
„Имајќи предвид дека милиони луѓе страдаат од оваа болест, потребата за ефикасен лек никогаш не била поголема.“
