Научниците велат дека ова откритие може да промени дел од досегашните претстави за еволуцијата на човекот.
Ретки коски што отвораат ново поглавје во историјата на човештвото
Истражувањето, објавено во списанието Nature, опишува фосили откриени во регионот Куби Фора, на источниот брег на езерото Туркана. Станува збор за први комплетни коски на шака и стапало од видот Paranthropus boisei вид познат по својата масивна вилица и силни заби.
Ова е првпат научниците да можат да го поврзат моќниот апарат за џвакање на овој вид со удови и раце кои покажуваат дека Paranthropus не бил несмасен, туку добро прилагоден за живот во тешките услови на праисториска Источна Африка.
Фосилите покажуваат мешавина од примитивни и напредни особини: прстите на рацете се пофлексибилни и слични на оние кај горилите, додека стапалата откриваат совршена прилагоденост за одење на две нозе. Палецот бил порамнет со останатите прсти, а зглобовите покажуваат структура што му овозможувала одлучно и стабилно одбивање при движење — слично на современиот човек.
„Ова суштество било способно да се движи низ разновидни отворени предели, самоуверено стоејќи на две нозе, можеби дури и носејќи храна или примитивни алати,“ велат авторите на студијата.
Според професорката Сали Кристин Рејнолдс од Универзитетот во Борнмут, новите наоди укажуваат дека Paranthropus boisei не бил „неуспешен роднина“ на човекот, туку успешен вид сам по себе, кој преживеал повеќе од еден милион години.
Додека родот Homo го развивал мозокот, алатите и социјалната соработка, Paranthropus се потпирал на физичка сила и издржливост, со масивни мускули и заби прилагодени на растителна исхрана.
„Новите фосили нè потсетуваат дека еволуцијата на човекот не била праволиниска приказна за напредок,“ вели Рејнолдс.
„Тоа било разгрането дрво од експерименти – некои се потпирале на мозокот, други на мускулите, но сите тие чекореле исправено под истото африканско сонце.“
Извор: N1info.rs
