Уште една жена тврди дека била испратена од Џефри Епстин во Велика Британија на сексуален средба со Ендру Маунтбатен-Виндзор, поранешниот принц Ендру, изјави нејзиниот адвокат за BBC.
Според наводите, средбата се случила во 2010 година во кралската резиденција Ројал Лоџ, каде што тогаш живеел поранешниот принц. Жената, која не е британска државјанка, во тоа време била во своите дваесетти години.
Нејзиниот адвокат, Бред Едвардс од американската адвокатска канцеларија Edwards Henderson, изјави дека неговата клиентка тврди оти по ноќта помината со принцот Ендру добила и обиколка на Бакингемската палата со чај, што, според него, дополнително ја поткрепува нејзината приказна.
„Зборуваме за најмалку уште една жена која Џефри Епстин ја испратил кај принцот Ендру. Таа, дури и по ноќта помината со него, добила обиколка на Бакингемската палата“, изјави Едвардс за BBC.
Првпат се спомнува кралска резиденција
Ова е првпат некоја од жртвите поврзани со Епстин јавно да тврди дека сексуалниот контакт се случил во официјална кралска резиденција. BBC побара коментар од поранешниот принц Ендру, но до објавувањето на текстот немало одговор.
Бакингемската палата води евиденција за посетителите, но BBC наведува дека не можел да ја потврди посетата без откривање на идентитетот на жената.
Повеќе од 200 жртви
Адвокатот Едвардс застапува повеќе од 200 жртви на Џефри Епстин ширум светот, меѓу кои и Вирџинија Ѓуфре, која тврдеше дека во 2001 година, на 17-годишна возраст, била однесена во Лондон за сексуален однос со принцот Ендру.
Ѓуфре подоцна изјави дека била принудена на уште два сексуални односи со него – во Њујорк и на приватниот карипски остров на Епстин. Таа поднесе граѓанска тужба во САД во 2021 година, која беше завршена со вонсудска спогодба во 2022 година, вредна околу 12 милиони фунти. Ѓуфре почина минатата година, извршувајќи самоубиство.
Прекин на комуникацијата и одземање титули
Едвардс за BBC изјави дека имало комуникација меѓу неговата клиентка и поранешниот принц пред наводната средба, но и дека контактите со правните застапници на Ендру во САД престанале откако кралот Чарлс формално му ги одзел титулите, статусот и кралските привилегии.
Во соопштението од палатата тогаш беше наведено дека мерките се неопходни, „и покрај тоа што тој продолжува да ги негира сите обвинувања“.
Адвокатот најави дека разгледува можност за поднесување граѓанска тужба против поранешниот принц во име на новата жртва.
Истражувањата продолжуваат
Според истрага на BBC, Епстин со години префрлувал жени во Велика Британија, користејќи комерцијални летови и свои приватни авиони, како дел од мрежа за сексуална експлоатација.
