Пријавата била добиена преку единствениот број за итни повици 112, по што веднаш бил активиран Кризен штаб на Општина Тетово. На терен се присутни екипи на ЦУК, СВР Тетово и градежни инспектори од општината, кои ја проценуваат состојбата и дават инструкции до локалното население.
Жителите повикани да ги напуштат своите домови
Од ЦУК информираат дека во моментов се преземаат мерки за заштита и стабилизација, а на мештаните им било наложено итно да ги напуштат домовите поради висок ризик од појава на нови свлечишта.
Теренот и понатаму е нестабилен, а прогнозите најавуваат дополнителни врнежи кои може да ја влошат состојбата.
Одрони и во источниот регион
Проблеми предизвикани од обилните врнежи има и во источниот дел на земјата. ЦУК соопшти дека:
- На патниот правец Делчево – Истибања се појавиле одрони, но екипите на ЈП „Македонија пат“ редовно интервенираат и сообраќајот се одвива без подолги застои.
- На патот кон селото Моштица во Општина Македонска Каменица, одроните се расчистени од екипите на ЈП „Камена Река“, а сообраќајот е нормализиран.
Надлежните служби остануваат на терен и апелираат на внимателност, особено на жителите во ризичните планински региони каде земјиштето е заситено со вода и подложно на нови активирања.
