Конзервативната Австриска народна партија (ÖVP) на конференцијата одржана во Виена му даде голема поддршка на канцеларот Кристијан Стокер за функцијата лидер на партијата.
Со околу 98% од гласовите, 65-годишниот адвокат нагласи дека се дистанцира од екстремно десно ориентираната Слободарска партија на Австрија (FPÖ), која победи на парламентарните избори во есента, а според Стокер, е наклонета кон Доналд Трамп.
Тој изјави дека лидерот на FPÖ, Херберт Кикл, го има Трамп за свој идол, но во својот говор не спомена премногу за рецесијата која ја тресе земјата, како и за огромниот буџетски дефицит.
По неуспешните преговори помеѓу FPÖ и ÖVP, Стокер почетокот на март формираше влада со Социјалдемократската партија SPÖ и либералните НЕОС. Веќе од почетокот на јануари беше вршител на должноста лидер на партијата кога Карл Нехамер поднесе оставка на местото лидер на ÖVP и канцеларската функција, наведувајќи како причина што ги одбил коалиционите преговори со Кикл.
Стокер е познат како прагматичен и разумен политичар. Од локалната политичка сцена пренесен е во националната релативно доцна – влегол во парламентот во 2019 година, а три години подоцна станал главен секретар на ÖVP.
