Од денеска се воспоставува нова директна авионска линија од Охрид до Братислава, додека од 29 март ќе започне да функционира и нова линија од Охрид до Милано, информира Министерството за транспорт.
Новите линии се дел од проширувањето на авионските врски на охридскиот аеродром, со цел подобра поврзаност со европските дестинации.
Директната линија Охрид – Братислава веќе е достапна за патниците, а летот трае околу еден час и 40 минути, што овозможува побрза и поедноставна врска со Словачка.
Во меѓувреме, од крајот на март се воведува и нова линија кон Милано, една од најбараните европски дестинации, со што дополнително се проширува изборот на патувања од охридскиот аеродром.
Новите авиолинии се дел од пошироките напори за развој на авио-сообраќајот во земјата и зголемување на туристичката и економската поврзаност со Европа.
Со воведувањето на новите линии се очекува зголемен број на патници и туристи, како и подобра достапност на Македонија за европските пазари.
