Научници во Соединетите Американски Држави развија алатка со вештачка интелигенција кој може да помогне на лекарите да идентификуваат пациенти кај кои постои ризик од партнерско насилство, години пред жртвите да побараат помош. Студијата е објавена во списанието „Nature“.
Истражувачкиот тим ги користел податоците собрани преку неколку години од медицински евиденции за да создаде три различни AI системи и да тестира колку добро технологијата може да идентификува лица изложени на ризик. Еден од системите покажал најголема точност, правилно предвидувајќи ризик кај 88% од случаите.
AI алатката била способена да детектира потенцијално насилство повеќе од три години пред многу пациенти да влезат во болнички програми за поддршка на жртви. Технологијата не дијагностицира злоупотреба ниту ги принудува пациентите да откријат информации, туку дава сигнал кој помага на лекарите да пристапат внимателно и да понудат поддршка ако е потребно.
„Овој алат за поддршка на клинички одлуки може значително да влијае на предвидувањето и превенцијата на насилство во интимни партнерски односи“, изјави официјалното лице на Националниот институт за здравје на САД, Ќи Дуен.
Истражувачите планираат технологијата да ја интегрираат во системите на електронски медицински картони за болниците да добиваат процени во реално време додека работат со пациентите.
