Новак го победи Кецмановиќ во третото коло и така стигна до својата 100-та победа на Вимблдон, што претставува важен јубилеј во неговата кариера.
По завршувањето на мечот, Ѓоковиќ прво ја изведе својата веќе препознатлива гестикулација „пумпање“ пред публиката – ритуал што го повторува по секоја победа на годинашниов турнир. Но, тука не застана.
Подоцна, преку објава на социјалната мрежа X (поранешен Твитер), тој ја продолжи својата еуфорија и им се обрати на навивачите:
„Стота победа на Вимблдон. 1dem00. Задоволство е да се игра против одличен играч и пријател од Србија, како и секогаш. Четврто коло – пумпај!“ – напиша Ѓоковиќ.
Новак со оваа победа обезбеди пласман во осминафиналето, каде што ќе се обиде да го продолжи патот кон нова титула на светиот тревник во Лондон.
