Луксузната туристичка компанија Orient Express го претстави својот прв воз произведен во Италија, кој ќе сообраќа исклучиво во рамките на земјата.
Под името La Dolce Vita Orient Express, возот ќе нуди осум внимателно осмислени рути кои комбинираат уметност, пејзажи и гастрономија со три Мишелинови ѕвезди. Станува збор за партнерство со италијанската компанија за луксузен туризам Arsenale. Возот ќе има и посебен салон за патниците на римската станица Ostiense. Првото патување ќе носи назив „Тосканските вински вкусови“ и ќе ги однесе патниците директно во срцето на познатата винска регија. La Dolce Vita нуди осум ексклузивни рутии низ 14 италијански региони, наменети за захтевни патници од целиот свет.
Возот има 31 кабина, вклучувајќи 18 апартмани, 12 делукс кабини и препознатлив апартман La Dolce Vita. Овој воз е резултат на внимателна реставрација и дизајнерски процес на италијански вагони модел З1, кои се осмислени повторно благодарение на големиот инвестиционен напор и техничката и занаетчиската експертиза на југот на Италија – регион познат по умешноста во железничката производна и дизајнската индустрија, а работите се изведувале помеѓу Бриндизи и Палермо. Овој иновативен проект го означува создавањето на првата приватна луксузна железничка флота во Италија, која во конечната верзија ќе вклучува шест специјално дизајнирани возови.
