Птиците грабливки, како соколи, јастреби и бувови, стануваат се почести на свадбите, според неодамнешниот извештај на The Wall Street Journal.
Соколарот Џонатан Гонзалес, сопственик на Raptor Events од Калифорнија, ги изнајмува своите птици за различни настани, од родендени и едукации до свадби. Гонзалес се занимава со соколарство од средношколец, а своите птици грабливки ги издава за свадби за 1.200 долари, не вклучувајќи ги патните трошоци.
Неговите птици, соколот Марти и бувовите Оли и Марвин, учествуваат на четири или пет свадби годишно, а досега немал никакви незгоди, бидејќи пред церемонијата има проби со младенците. Гонзалес е убеден дека овој тренд почнал да се појавува поради популарноста на франшизата за Хари Потер.
„Хари Потер очигледно имаше влијание врз овој бизнис“, рече Гонзалес.
Извор: ТикТок