Израелската војска во саботата изврши нови напади врз Иран и Бејрут, додека САД испраќа илјадници маринци на Блискиот Исток. Американскиот претседател Доналд Трамп ги нарече сојузниците од NATO „кукавици“ поради нивното двоумење да помогнат во отворањето на Ормутскиот теснец.
Повеќе од 2.000 луѓе се убиени откако САД и Израел го нападнаа Иран на 28 февруари, додека американските власти сè повеќе стравуваат дека конфликтот може дополнително да се прошири.
Израел соопшти дека извршил напади врз позиции на Хезболах во главниот град на Либан, засилувајќи ги воздушните операции против групата поддржана од Иран. Ова се најсмртоносните напади откако Хезболах отвори оган кон Израел во знак на поддршка за Tehran.
Израелската армија исто така потврди нови напади врз Иран, вклучително и врз главниот град Техеран.
Американски бомбардер во Европа
Пристигнаа фотографии од американски бомбардер B-1B кој слетал во базата RAF Fairford во Велика Британија. Базата ја користат американските воздухопловни сили за операции поврзани со конфликтот.
Ова следува по извештаите дека базата Диего Гарсија била цел на ирански балистички ракети.
Предлог за разоружување на Хамас
Мировниот одбор на Доналд Трамп му доставил предлог за разоружување на Хамас за време на состаноци во Каиро.
Предлогот, според извори, бара целосно разоружување на сите вооружени групи. Специјалниот пратеник Николај Младеновизјавил дека „предлогот е на маса“ и повикал на одлука во интерес на палестинскиот народ. На состаноците присуствувал и советникот Стив Виткоф.
Раст на жртви и разурнувања
Според либанската влада, израелските напади во Либан убиле повеќе од 1.000 луѓе и раселиле над милион жители. Во Иран загинале повеќе од 1.300 луѓе, додека во Израел 15 лица биле убиени од ирански ракети.
Конфликтот сериозно го наруши глобалниот пазар на енергија. Затворањето на Ормутскиот теснец го прекина транспортот на околу една петтина од светската нафта и гас.
Цените на нафтата пораснаа за повеќе од 50 проценти и надминаа 110 долари по барел, додека во некои региони достигнуваат и 164 долари. Цените на гасот и електричната енергија исто така растат.
Интернационалната Агенција за енергија оцени дека станува збор за најголемо глобално нарушување на енергетскиот систем во историјата.
Дополнително, конфликтот влијае и на храната. Агенцијата за Храна и Земјоделие на ОН предупреди дека нарушувањата во снабдувањето со ѓубрива може да доведат до намалено производство на храна. Главниот економист Максимо Тореро изјави дека тоа ќе влијае врз производството на житарки, месо и млечни производи.
Нападите врз енергетската инфраструктура, како и на иранското поле и катарскиот комплекс Ras Laffan, дополнително ја влошуваат кризата.
Страв од долгорочни последици
Експертите предупредуваат дека кризата ќе доведе до повисоки цени, инфлација и намалена потрошувачка на глобално ниво.
„Нема начин да се избегне ова – цените ќе растат додека луѓето не престанат да трошат“, изјави инвестицискиот директор Дан Пикеринг.
Во меѓувреме, Доналд Трамп продолжува со критики кон НАТО-сојузниците, обвинувајќи ги за недоволна поддршка во конфликтот со Иран.
