Ландо Норис е победник на Големата награда на Бразил. Англичанецот ја забележа својата седма победа сезонава и го зголеми водството во генералниот пласман. На второто место заврши Кими Антонели од Мерцедес, додека Макс Ферстапен, кој стартуваше од 19. место, заврши трет.
Веднаш по почетокот на трката, Норис, кој стартуваше од пол-позиција, го задржа водството, а на патеката мораше да излезе сигурносен автомобил откако домашниот возач Габриел Бортолетo заврши во ѕидот. По неколку круга, сигурносниот автомобил се повлече, но веднаш се случи инцидент на стартот.
Оскар Пјастри се обидуваше да се одбрани од нападот на Кими Антонели и удри во него, а Антонели се одби кон Чарлс Леклерк, кој мораше да ја заврши трката. Поради овој инцидент, Пјастри доби 10 секунди казна, што значително влијаеше на неговиот резултат.
Фантастична трка за Ферстапен
Во меѓувреме, Ферстапен се пробиваше низ пласманот, и покрај тоа што во еден момент доби пукната гума, успеа да се искористи од сите интервенции на сигурносниот автомобил и да влезе во првите пет. Кога останатите возачи одат во бокс за промена на гуми, кратко време Ферстапен беше и прв, но потоа и тој направи смена за да издржи до крајот и да нападне за првото место.
На крајот, успеа да го помине Џорџ Расел и да заврши на третото место, обидувајќи се да го престигне Антонели, но безуспешно.
Во генералниот пласман, Норис сега има 390 поени, Пјастри е втор со 366 поени, а Ферстапен е трет со 341 поен. Следната трка ќе се вози на 23 ноември во Лас Вегас.
