Ноќеска започна летното сметање на времето, што значи дека часовниците ќе се поместат еден час напред. Точно во 2 часот по полноќ, стрелките се поместија на 3 часот, со што изгубивме еден час сон.
Оваа промена традиционално се случува последниот викенд во март и означува почеток на подолгите денови и повеќе дневна светлина во наредниот период.
Иако многумина се радуваат на подолгите вечери, промената на биоритамот може краткорочно да влијае врз сонот и концентрацијата. Затоа, експертите препорачуваат постепено прилагодување на распоредот на спиење во деновите пред и по промената.
