Нихон Хиданкио се залага за забрана на нуклеарно оружје во светот.
Организацијата ја доби Нобеловата награда за мир „за нејзините напори да постигне свет без нуклеарно оружје и за сведочењето зошто тие никогаш повеќе не смеат да се користат“, објави Комитетот за Нобеловата награда за мир во Осло.
Годинава беа предложени вкупно 286 кандидати, од кои 197 поединци и 89 организации.
Минатата година престижната награда и беше доделена на затворената активистка за женски права Наргес Мохамади од Иран.
Оваа недела веќе се објавени и добитниците на Нобеловата награда во категориите медицина, физика, хемија и литература.
Последната награда, за економија, ќе биде доделена во понеделник.
Традиционално, сите Нобелови награди се доделуваат во Стокхолм, а само наградата за мир се доделува во Осло.
Нобеловите награди, освен за економија, произлегуваат од волјата на основачот на наградите и пронаоѓачот на динамитот, Алфред Нобел (1833-96).
Медалите треба да им бидат врачени на добитниците на 10 декември, годишнината од смртта на Нобел, а Нобеловата награда за мир повторно ќе биде единствената што ќе биде доделена во Осло наместо во Стокхолм.
Годинава наградите беа доделени со 11 милиони шведски круни по категорија.
