„Nick ми е така убав, скоро суреален настан за Скопје. Ме потсетува на Стотројка во првите години, на читање буклети и идентификување со емоции на кои порано ‘името не им го знаевме’ – како цел живот да бил тука, а сега конечно се враќа,“ вели диџејот Зоки Бејбе, кој на социјалните мрежи сподели лична порака за значењето на концертот.
Настапот на Cave и неговиот бенд ќе биде едно од најзначајните музички случувања за македонската публика оваа година – првпат да се слушне неговата поетска моќ и темниот рок во жива изведба на домашна сцена.
