New York Times објави дека администрацијата на претседателот Трамп ја разгледува можност за целосна забрана за влез во САД за граѓани од 11 земји, таканаречената „црвена листа“.
Овие земји се: Авганистан, Бутан, Куба, Иран, Либија, Северна Кореја, Сомалија, Судан, Сирија, Венецуела и Јемен.
Покрај тоа, беше објавена и „портокалова листа“ со држави чии визи би биле значително ограничени, а во неа спаѓаат Белорусија, Еритреја, Хаити, Лаос, Мјанмар, Пакистан, Русија, Сиера Леоне, Јужен Судан и Туркменистан.
Според New York Times, овие информации доаѓаат од дипломатски и безбедносни извори кои побарале анонимност. Тие истакнале дека листата била подготвена од Стејт департментот пред неколку недели и дека е можно да претрпи измени пред да биде официјално усвоена од Белата куќа.
