Во текот на денешниот ден се очекува се очекува на повеќе места да биде нестабилно со пороен дожд и грмежи. Локално процесите ќе бидат поинтензивни со пообилен пороен дожд (над 15 l/m²) и услови за невреме со засилен ветер и изолирана појава на град – известува УХМР.
Нестабилно време со пороен дожд и грмежи се очекуваат овој понеделник во Скопје. Во делови од котлината ќе има услови за краткотрајно невреме со засилен ветер и изолирана појава на град, додека од вторник ќе преовладува претежно стабилно време со постепен пораст на дневната температура.
Во поглед на температурите за наредните три дена, утре минималната температура ќе се движи од 9 до 19 степени, а максималната од 27 до 34 степени, додека задутре во Македонија минималните температури ќе се движат од 9 до 18 степени, а максималните од 29 до 35 степени. Во среда, најниските температури ќе се движат меѓу 10 и 19 степени, а највисоките од 30 до 37 степени.
