Netflix објави прв тизер за политичката трилер минисерија Zero Day, која ја создадоа Ерик Њуман, Ноа Опенхајм и Мајкл С. Шмит, а ја режираше Лесли Линк Глејтер.
Во серијата играат Роберт де Ниро и Анџела Басет, а Де Ниро го игра Џорџ Мулен, поранешен претседател на Соединетите Американски Држави.
Во шест епизоди на минисеријата, гледачите ќе ја следат приказната за Мулен, кој е на чело на Комисијата за нулти ден и се соочува со задачата да ги пронајде сторителите на разорен сајбер напад што предизвика хаос во земјата и илјадници мртви. Додека дезинформациите цветаат, а личните амбиции на технологијата, Волстрит и владини моќници се судираат, Муленовата безмилосна потрага по вистината го принудува да се соочи со своите темни тајни, ризикувајќи сè што му е драго.
Покрај Де Ниро и Басет, во серијата играат Џеси Племонс, Лизи Каплан, Кони Бритон, Ден Стивенс, Метју Модин и Џоан Ален. Минисеријата ќе биде премиерно прикажана на Netflix на 20 февруари 2025 година, а сите епизоди ќе бидат веднаш достапни за гледање.
Иако некои гледачи се уште се против гледањето на оваа серија поради ставовите на Роберт де Ниро за претседателски избори во Соединетите Американски Држави, поголемиот дел од коментарите на социјалните мрежи се од луѓе кои сакаат да ја гледаат серијата.
Покрај Де Ниро, гледачите изразија возбуда за улогите на Анџела Басет и Џеси Племонс.
