Како што открива „Волстрит џурнал“, „Нетфликс“ си постави две цели што сака да ги постигне до 2030 година.
Првата цел е Нетфликс да ја зголеми својата пазарна вредност на билион долари во следните пет години. Моментално вреди 479 милијарди, што значи дека треба да ја зголеми својата вредност повеќе од двојно.
Како ќе го постигнат ова? Тука доаѓа до израз втората цел – Netflix сака да ги удвои своите приходи до 2030 година.
Иако постојат безброј начини на кои Нетфликс може да ги зголеми своите приходи до 2030 година, наједноставното решение досега е зголемувањето на цените.
Она што ќе биде потешка задача за компанијата е проширување на корисничката база, развој на релативно нов рекламен бизнис и влегување на нови пазари. Нетфликс исто така би можел да додаде нови функции – на пример, неодамна почна да нуди стриминг на видео игри.
Можеби Spotify и YouTube се моделите што Netflix ги има на ум. Spotify го зголеми својот бизнис преку реклами и претплати, но додаде и ексклузивни подкасти и аудиокниги. YouTube работи главно преку реклами, но има и музичка услуга со претплата, пакет за гледање без реклами и пакет за телевизија во живо.
Во последните неколку години, Нетфликс неколку пати ја промени структурата на своите претплатнички пакети.
