Водителот на новото шоу Everybody’s Live with John Mulaney ќе биде познатиот комичар Џон Мулејни, кој веќе на шега во промотивни материјали најави дека шоуто ќе биде „целосно лудо“. Серијата ќе трае 12 последователни недели, а според Deadline, Нетфликс веќе дал зелено светло за втора сезона – што значи дека очекувањата се големи.
Мулејни не е непознат во светот на хумористичните шоуа на Нетфликс. На минатогодишниот Netflix is a Joke Fest, тој беше домаќин на шест епизоди од ток-шоуто во живо на John Mulaney’s Everybody’s in LA, кое доби огромна популарност.
Според извештајот на Vulture, новото шоу нема да биде исклучиво фокусирано на Лос Анџелес, туку ќе ги задржи некои од омилените сегменти, како што се повиците на гледачите во живо и необична мешавина на познати гости. Мулејни веќе објави што да се очекува: „Ова ќе биде единственото место каде што ќе можете да го видите Арнолд Шварценегер како седи до Ники Глејзер, со семеен терапевт до нив, а во позадина игра Манекен Пуси“.
Иако Нетфликс и Мулејни се уште не открија кои ќе бидат првите гости, јасно е дека на гледачите им претстои интересен спој на познати личности.
Ова не е прв пат Нетфликс да експериментира со преноси во живо. Од 2023 година, тие го истражуваат форматот на пренос во живо, вклучително и емитување спортски настани и други настани од големи размери. Во јануари оваа година, платформата го лансираше WWE Raw во живо од Лос Анџелес, со некои од најголемите ѕвезди во борењето, вклучително и The Rock, John Cena, Cody Rhodes и контроверзниот настап на Hulk Hogan..
Јасно е дека Нетфликс гледа голем потенцијал во преносот во живо, а ова ток-шоу може да стане уште еден голем хит.
Everybody’s Live with John Mulaney започнува во среда, 12 март и ќе трае 12 недели, до 4 јуни.
