Од WhatsApp доаѓа уште една новина која ќе го подобри корисничкото искуство, особено за одреден дел од корисниците. Оваа опција се однесува на дополнителни потсетници за непрочитани пораки.
Новата функција сè уште не е официјално достапна и моментално се тестира во бета верзијата на апликацијата за Android уреди. Не е познато кога ќе биде достапна за сите корисници.
Неoдамна WhatsApp претстави слични потсетници за новите стории на луѓето од контактната листа, а сега истата можност планираат да ја прошират и на пораките. Благодарение на оваа новина, оваа апликација ќе ги потсетува корисниците повремено на нови статуси и пораки кои не ги погледнале некое време.
Според досега познатите информации, изгледа дека корисниците сами ќе ја активираат оваа опција во поставките на WhatsApp, а не е познато дали ќе се појавуваат само внатре во апликацијата или како класични известувања на екранот на телефонот додека апликацијата не е во употреба.
Она што, исто така, не е познато е колку често ќе се прикажуваат такви потсетници за пораки и статуси, ниту дали ќе се појавуваат за сите пораки или само за одредени луѓе. На страницата WABetaInfo велат дека изгледа дека алгоритмот за известувања ќе ги прикажува независно од тоа со кого корисниците најмногу и најчесто комуницираат.
Потсетување на неодговорени пораки
Со новата опција целта е да се спречи корисниците да пропуштаат пораки од своите најблиски пријатели и членови на семејството, т.е. ако ги заборават тие пораки, апликацијата да ги потсети.
Но, ќе биде интересно да се види дали ќе се појавуваат подсетници и за комуникација со бизнис партнери, со кои дописувањето не е толку често.
Имено, на некои пазари бројни компании (од банки преку телекомуникациски компании до доставни фирми и онлајн продавници како Amazon) комуницираат со корисниците токму преку WhatsApp, така што оваа опција може да има позитивно влијание и на нивното работење, односно комуникацијата со клиентите и корисниците.
