Редовното и правилно четкање на забите е единствениот начин да се спречи и кариес и болести на непцата. Како што истакнуваат стоматолозите, редовното четкање на забите ги отстранува наслагите од храна и бактериите од површината на забот кои предизвикуваат кариес. Иако многу луѓе мислат дека миењето заби е едноставна процедура, правилното четкање и изборот на четка за заби се од клучно значење.
Меки влакна
Секоја четка за заби што ќе ја изберете треба да има меки влакна. Четките за заби со меки влакна се понежни за вашите заби и непца. Четките со тврди влакна можат да отстранат повеќе наслаги, но можат да предизвикаат и повлекување на непцата. Ова може да го оштети коренот на забот и да ја зголеми чувствителноста на студ, топлина и одредени видови храна и пијалаци.
Мала глава
Што се однесува до обликот на главата, постојат обични или мали. Се препорачуваат четки за заби со помала глава (како дијамант), бидејќи можат да стигнат до тешко достапни места, како што се задните заби. Обликот на главата треба да биде удобен во устата.
Електрична четка за заби
Иако рачната четка за заби е добра, електричната четка за заби може подобро да ги отстрани наслагите од вашите заби. Може да допре до тешко достапните места на вашата вилица. Покрај тоа, многу електрични четки за заби имаат тајмер од две минути, кој може да послужи како потсетник за тоа колку долго треба да ги четкате забите.
Стоматолошки совети:
Заменете ја четката за заби на секои 3 месеци или кога влакната покажуваат знаци на абење. Истрошената четка за заби нема добро да ги исчисти вашите заби.
Освен вистинската четка за заби, најважно е правилно и доволно долго да ги миете забите (најмалку две минути, два пати на ден наутро и навечер).
Извор: nezavisne.com
