Ова е нејзин четврти роман, по „Прва љубов во розовата улица“, „Запалка“ и „Двете принцези“, кои се веќе преведени на украински, српски, бугарски и англиски јазик. Спасова се јавува исто така и како драматург на театарските претстави The Visitor, Dreamcatcher, The Last Slav on Earth и „Два пати Мери“, последната е работена според поглавје од нејзиниот нов роман, и ќе биде прикажана во хибридна верзија (видеозапис со драмско читање) на промоцијата во „Буква“.
„Не ѝ верувај на баба ти“ е приказна за Анастасија, малолетничка која исчезнува на пат кон своето училиште. И додека сите новинари се во трка за подобро да ја покријат веста за нејзиното исчезнување, романот ги следи приказните на девет обични луѓе, кои никогаш не ја сретнале Анастасија …
Романот е финансиран од Министерство за култура и туризам.
