На социјалните мрежи се споделува видео снимено пред берлинскиот клуб „КитКат“, каде што обезбедувањето враќа пар облечени во црна облека, за да потоа преку ред пропушти девојка облечена во бело, која во клубот влегува со нејзиниот бел коњ.
Клубот „КитКат“ е познат по слободните секс забави, отворени за сите, вклучително и хетеросексуалци, но и членови на ЛГБТИ+ заедницата. Мотото на клубот е „правете што сакате, но останете во комуникација“, а на гостите им се дозволува да изведуваат сексуални акти низ клубот.
Дрес-кодот за влез во клубот е строг и се бара од присутните да носат облеки поврзани со фетиш, латекс и кожа. Во клубот има три подиуми и надворешен дел со базен и е украсен со ултравиолетови светла и флуросцентни слики по ѕидовите.
Во последните години фокусот сепак е свртен повеќе на музиката отколку на сексуалните активности.
Освен за сексуалноста, клубот го следат и скандали поврзани со вработените. Според едно истражување на невладини организации од Германија, во клубот биле вработени најмалку тројца во обезбедувањето кои биле членови на неонацистички боречки клуб.
