Ако имате тенденција да копнеете по нешто слатко по оброкот, тешко е да пропуштите десерт. Студијата покажа дека 86 отсто од луѓето кои сакаат храна размислуваат за висококалорична, особено нешто што содржи чоколадо.
Како да ја спречите желбата за шеќер
Здравата храна богата со хранливи материи, како што се протеини и влакна, може да помогне да се спречи нездравата желба за слатки. Некои од овие намирници се: бобинки, авокадо, јаткасти плодови, како што се ф’стаци, семки, да речеме сусам и чиа и мешунките, вклучувајќи грав, леќа и наут.
Кои фактори предизвикуваат желба за шеќер?
Желбата за шеќер може да се појави навидум случајно, а може да има неколку виновници:
Дехидрација:
„Жедта често може да делува како глад или желба за храна“, вели д-р Елија.
Истражувањето покажало дека луѓето реагирале „несоодветно“ на знаци на глад и жед во 62 проценти од ситуациите. Да речеме, беа жедни, не гладни, но сепак јадеа.
Лош квалитет на исхрана:
„Квалитетот на исхраната исто така може да игра улога во поттикнувањето на желбата за шеќер. На пример, јадењето поголем сооднос на јаглехидрати со протеини и здрави масти, или јадење бели, рафинирани јаглехидрати како оние што се наоѓаат во преработената храна, може да го зголеми гладот и желбата за шеќер“, вели д-р Елија.
Храна која може да помогне да се спречи желбата за шеќер
Не можеме да дозволиме желбите за шеќер да ги попречат нашите здравствени цели. Постојат бројни намирници кои можат да ни помогнат да го задоволиме гладот, да го регулираме шеќерот во крвта и да ја спречиме желбата за шеќер.
Бобинки
„Боровинки, јагоди, капини и малини се едни од најдобрите намирници за јадење кога имаме желба за шеќер. Бидејќи тие се овошја со низок гликемичен ефект, тие даваат многу сладост без зголемување на шеќерот во крвта“, вели д-р Елија.
Бобинките се исто така богати со вода и добар извор на влакна.
„Тоа ни помага да се чувствуваме сити подолго, да го балансираме шеќерот во крвта и да ја подобриме чувствителноста на инсулин“, вели Палински-Вејд.
Извор: index.hr
