Научниците од Универзитетот во Невада, Лас Вегас спроведоа експеримент кој откри дека компирот, храна која обично им е забранета на луѓето со дијабетес тип 2, всушност го намалува нивото на шеќер во крвта.
Покрај тоа, кога јадат компири, пациентите може да очекуваат дури и губење на тежината. Покрај тоа, овој зеленчук ја подобрува работата на срцето.
Научниците вклучиле 24 луѓе во истражувањето, сите со дијагноза на дијабетес тип 2. Едната половина јадела печени компири со лушпите секој ден, додека другата половина консумирала ориз. По 12 недели, учесниците кои јаделе компири забележале умерено намалување на нивото на гликоза во крвта. Освен тоа, изгубиле сантиметри во половината, а отчукувањата на срцето се нормализирале.
Научниците заклучиле дека е клучно да се јаде компир со кора. Важно е да се испече во рерна и малку да се посолува.
„Компирот е многу разноврсна храна и може да се јаде со повеќето намирници. Ве советувам да не ја отстранувате лушпата бидејќи е богата со калиум и се губи кога компирот се готви со кора“, вели авторката на студијата Неда Ахаван, професорка нутриционистички науки на Универзитетот во Невада, кој вообичаено ја проучува стигматизираната храна.
“Многумина се шокирани кога дознаа дека компирот има повеќе калиум од бананите. Верувале или не, печените компири се една од најзаситните намирници што се консумираат во западната исхрана. А кога се јаде печена, ја зголемува нашата способност да се чувствуваме сити во текот на денот“, додаде таа.
Има намера да ја прошири студијата во наредните месеци за да вклучи поголема и поразновидна популација на учесници и да го вклучи компирот во медитеранската исхрана.
Фото: pexels
Извор: index
