Бројот на сперматозоиди во семената течност се повеќе опаѓа кај мажите низ светот, а научниците напорно работат за да утврдат зошто тоа се случува. Според новото истражување изработено во Кина, вишокот на килограми и гојазност може да придонесат за намалување на квалитетот на семената течност, односно на плодноста на мажите.
„Непрекинатиот пат на квалитетот на човечката семена течност во последните децении предизвика голема загриженост на глобално ниво“ пишуваат епидемиологот Јингсин Ли од Универзитетот Сун Јат-сен и неговите колеги во објавениот научен труд.
Тие наведуваат дека претходните студии сугерирале врска помеѓу растот на индексот на телесна маса и падот на квалитетот на семената течност, сепак некои резултати не беа доследни.
Ли и тимот спровеле систематски прегледи и мета анализа на 50 претходни истражувања, кои опфаќаат вкупно 71.337 мажи и ја мереле поврзаноста помеѓу индексот на телесна маса и неколку параметри за квалитетот на семена течност.
„Гојазноста и прекумерната тежина се значајно поврзани со падот на квалитетот на семената течност. Намалениот квалитет е поизразен кај мажи кои биле гојазни“ пишува тимот на научниците.
Податоците покажуваат дека мажите квалификувани како гојазни имале помал волумен на семена течност, помал број на сперматозоиди и пониско ниво на движење на сперматозоидите во споредба со мажите со телесна маса во нормалниот опсег.
Причините за воспоставената поврзаност не беа детално испитани во оваа студија, но во минатото се сугерираше дека постојат повеќе фактори, од токсини во масното ткиво до хормонална нерамнотежа до повисока телесна температура.
Дел од тешкотијата да се открие што се случува во спермата е тоа што многу променливи можат да влијаат на неа: загадување на животната средина, пушење, возраст, болест, исхрана и многу повеќе. Во спротивно, лесно е да се изолира еден фактор од другите, имајќи ги предвид можните заеднички ефекти.
Сето ова бара повеќе истражувања во подолг период, а има и ограничувања: во многу од користените студии, земен е само еден примерок од сперма, на пример. Во некои случаи, само-пријавувањето се користело за да се одреди телесната маса наместо професионални проценки и мерења.
Претходните студии покажаа дека промените во животниот стил и последователно губење на тежината може да го подобрат квалитетот на спермата – нешто што го поддржува ова најново истражување.
„Нашите наоди го истакнуваат потенцијалот и важноста на одржување на нормална телесна тежина со цел да се спречи падот на квалитетот на спермата и да се подобри плодноста кај мажите“, пишуваат авторите во заклучокот од трудот.
Истражувањето е објавено во International Journal of Obesity.
