Научниците откриле дека планетата Уран всушност има потреба од 17 часа, 14 минути и 52 секунди за да заврши една ротација, што е 28 секунди повеќе отколку што претходно беше проценето преку вселенскиот телескоп Војаџер 2, кој направи мерења уште во осумдесеттите години на минатиот век.
Ова откритие доаѓа благодарение на телескопот Хабл, кој прецизно го следел магнетното поле на Уран. Ова овозможи точно мерење на ротацијата на Уран, седмата планета од Сонцето.
Тим на научници, предводен од истражувачи од Франција, спровел детален истражувачки процес заснован на податоците собрани од Хабл. Овие нови откритија значително го подобруваат нашето разбирање на планетите во Сончевиот систем.
За Уран е потребно дури 84 земјски години за да заврши целосен круг околу Сонцето. Покрај тоа, Хабл одигра клучна улога во разјаснувањето на многу карактеристики на оваа оддалечена планета.
Лоран Лами, еден од истражувачите од Париската опсерваторија, изјави: “Набљудувањата на телескопот Хабл беа клучни за ова откритие.”
Телескопот Хабл беше лансиран во орбитата на 24 април 1990 година и од тогаш собира драгоцени научни податоци.
